- પંજાબે 262 રન બનાવી અને KKRને 8 વિકેટથી હરાવ્યું
- બેયરસ્ટોએ 48 બોલમાં ફટકાર્યા 108 રન
- શશાંકે પણ 28 બોલમાં 68 રન કરી જીતને આંબી
સ્પોર્ટ્સ: PBSKએ IPLના ઇતિહાસમાં સૌથી મોટા લક્ષ્યનો પીછો કરી મેળવી જીત.પંજાબની ટીમે આ સિઝનની 42મી મેચમાં કોલકાતા નાઈટ રાઈડર્સને 8 વિકેટથી હરાવ્યું હતું. પંજાબે કોલકાતાના હોમ ગ્રાઉન્ડ પર 18.4 ઓવરમાં 2 વિકેટ ગુમાવીને 262 રન બનાવ્યા હતા. જોની બેયરસ્ટોએ સદી ફટકારી હતી તે પણ ફક્ત 48 બોલમાં 108 રન બનાવીને અણનમ રહ્યો હતો, શશાંક સિંહે 28 બોલમાં અણનમ 68 રન બનાવીને ટીમને જીત તરફ દોરી હતી.
PBKS તરફથી પ્રભસિમરન સિંહે પણ 20 બોલમાં 54 રન બનાવ્યા હતા. કોલકાતા તરફથી સુનીલ નારાયણે એક વિકેટ ઝડપી હતી. એક બેટ્સમેન રનઆઉટ થયો હતો.
પંજાબે શુક્રવારે ઈડન ગાર્ડન્સ સ્ટેડિયમમાં ટોસ જીતીને બોલિંગ કરવાનું પસંદ કર્યું હતું. કોલકાતાએ 20 ઓવરમાં 6 વિકેટે 261 રન બનાવ્યા હતાં. જેમાં ફિલ સોલ્ટએ 37 બોલમાં 75 રન કર્યા હતાં જ્યારે સુનીલ નારાયણે 32 બોલમાં 71 રન કરી અડધી સદી ફટકારી હતી. બંને વચ્ચે સદીની ભાગીદારી હતી. તથા આન્દ્રે રસેલે 24, વેંકટેશ અય્યરે 39 અને શ્રેયસ અય્યરે 28 રન બનાવ્યા હતા. આ સિવાય સેમ કુરન, અર્શદીપ સિંહ અને રાહુલ ચહરને એક-એક વિકેટ મળી હતી.
