મનોરંજન: ગોલ્ડ, શિદ્દત અને ચોર નિકાલ કે ભાગા બાદ સની કૌશલે (Sunny Kaushal) ફરી એકવાર પોતાના અભિનયનો જાદુ ચલાવ્યો છે. તે તાપસી પન્નુ અને વિક્રાંત મેસી સાથે રોમાન્સ અને થ્રિલર ફિલ્મ ફિર આયી હસીન દિલરૂબામાં (Phir Aayi Hasseen Dillruba) જોવા મળ્યો છે, જે 9 ઓગસ્ટે નેટફ્લિક્સ પર રિલીઝ થઈ હતી.
જયપ્રદ દેસાઈ દ્વારા નિર્દેશિત ફિર આયી હસીન દિલરૂબા, 2021માં આવેલી ફિલ્મ હસીન દિલરૂબાની સિક્વલ છે. પહેલી ફિલ્મમાં તાપસી પન્નુ અને વિક્રાંત મેસી સાથે હર્ષવર્ધન રાણે લીડ રોલમાં હતા અને હવે સની કૌશલે સિક્વલમાં એન્ટ્રી કરી છે. અભિમન્યુના પાત્રમાં સનીના અભિનયને પસંદ કરવામાં આવી રહ્યો છે.
કેટરીનાએ ફિર આયી હસીન દિલરૂબા જોઈ:
સની કૌશલની ભાભી અને અભિનેત્રી કેટરિના કૈફે પણ ફિર આયી હસીન દિલરૂબા જોઈ અને તે તેના દેવરની ચાહક બની ગઈ છે. તેણે ઈન્સ્ટાગ્રામ સ્ટોરી પર દેવરના વખાણ કરતાં એક પોસ્ટ શેર કરી છે. ફિલ્મના સીનનો એક ફોટો શેર કરતી વખતે તેણે કેપ્શનમાં લખ્યું, “ખૂબ ગમ્યું, ખૂબ આનંદ થયો. મારા પતિ (વિકી કૌશલ)ને આ ફિલ્મના પ્લોટની થિયરી સમજાવવા માટે મારે ફિલ્મને વારંવાર રોકવું પડ્યું હતું.”
કેટરિનાએ સની કૌશલને દુનિયાનો બેસ્ટ દેવર કહ્યો:
કેટરિના કૈફે આનંદ એલ રાય, જયપ્રદ દેસાઈ અને કનિકા ધિલ્લોનને અભિનંદન પાઠવ્યા છે. તેણે તાપસી પન્નુના પણ વખાણ કર્યા છે. અને જીમી શેરગીલ વિશે કહ્યું કે તેણે તો આ મૂવીમાં ધમાલ મચાવી દીધી છે. સાથે જ તેણે વિક્રાંત મેસીને તેજસ્વી સ્ટાર ગણાવ્યો છે.
