ભાણવડમાં અશક્ત બળદોએ માણી 1600 કિલો કેળાની મોજ

• ભાણવડના શિવ બળદ આશ્રમની ઘટના
• બળદોને પીરસાયા 1600 કિલો કેળા
• 80 જેટલા તમામ બળદોએ માણી કેળાની મિજબાની

હાલાર: ભાણવડ સ્થિત એનિમલ લવર્સ ચેરીટેબલ ટ્રસ્ટ સંચાલિત શિવ બળદ આશ્રમમાં આશ્રય લઈ રહેલ વૃદ્ધ/અશક્ત બળદો માલિકો દ્વારા તરછોડાયા બાદ છેલ્લા દિવસો સારામાં સારી રીતે વિતાવી શકે તેવા ઉમદા આશયથી શિવ બળદ આશ્રમમાં બળદોને અલગ-અલગ પ્રકારનું મેનુ પીરસાય છે, ત્યારે થોડા સમય પહેલા 1000 કિલો તરબૂચ અને હાલ આશ્રય લઈ રહેલ 80 જેટલા બળદોને વનપાક 1600 કિલો કેળા પીરસાય હતા.

બળદની જિંદગીના અંતિમ દિવસો ખૂબ આનંદથી અને સારી રીતે વિતે તેવા ઉમદા હેતુથી શિવ બળદ આશ્રમ – ભાણવડના સભ્યોએ છેલ્લા દોઢ વર્ષ બીડું ઝડપ્યું છે, જે ખૂબ પ્રશંસનીય છે.